منتديات R.G.S.J.M
يا هلآآ والله ..
صدنــــــآآكـــ .. وش عندكــ ما تسجل معانآآ ..!!
سجل ترى ما رآآح يآآخذ منكــ وقت كلها دقيقة و كل شي تمآآم ..
و إن شاء الله تستانس معانا .. أنت بس سجل ..
و إذا مسجل حيآآكــ الله سجل دخولكــ لو سمحت ..؟؟!!


.
 
الرئيسيةالبوابةاليوميةمكتبة الصورس .و .جبحـثالمجموعاتالتسجيلدخول
لا إله إلا أنت سبحانك إني كنت من الظالمين

لا إله إلا الله ,والحمد لله ,ولا نعبد إلا إياه له الملك وله الحمد وهو على كل شيء قدير, ربي أسألك خير مافي هذا اليوم ,وخير ما بعده,وأعوذ بك من شر هذا اليوم,وشر ما بعده ,ربي أعوذ بك من الكسل وسوء الكبر ,ربي أعوذ بك من عذاب في النار وعذاب في القبر .

قال عليه الصلاة والسلام : ((كلمتان خفيفتان على اللسان ثقيلتان في الميزان حبيبتان إلى الرحمن سبحان الله وبحمده ,سبحان الله العظيم)).

دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» سهرتنآ الليلة غيـ،،ـر
الثلاثاء يوليو 30, 2013 10:10 pm من طرف Rgoo Stars

» عنــدي سـؤال برئ وحلو وخيالي ومستحيـل يصيــــر
الثلاثاء يوليو 30, 2013 10:02 pm من طرف Rgoo Stars

» سنساعدك بكل عزمنا نحبك..(كاملة)
الأحد يوليو 28, 2013 5:16 pm من طرف Rgoo Stars

» ..: رحلة إلى الموت :.. بقلمي {رغودة}
السبت يوليو 28, 2012 7:18 am من طرف Rgoo Stars

» شي ما بدااخ‘ــــل قلبي ..
السبت أبريل 07, 2012 2:22 pm من طرف Rgoo Stars

» عندٍمًاْ وقًفٍتُ أَتَأَمًلٌ مَاٍفٍي قْلْبًيٍ وًجدًتٌه يًنْبٍضٌ بِإسْسمٍكْ![الصداقة]
الثلاثاء مارس 27, 2012 6:45 am من طرف JOJO

» بيت العائلة (بيت المنتدى) [2]
الثلاثاء مارس 20, 2012 6:59 am من طرف Rgoo Stars

» |>>|مسن المنتـــدى|<<|
الثلاثاء مارس 20, 2012 6:12 am من طرف Rgoo Stars

» (آعلان) سهرتنآ الليلة غيـ،،ـر..
الإثنين مارس 19, 2012 12:46 pm من طرف mnoOoOor


شاطر | 
 

 احلى صدفــــــــــة بحياتي

اذهب الى الأسفل 
كاتب الموضوعرسالة
¨✔¨™★ماعلى الدنيا العتب★™
مــديـرة
مــديـرة
avatar

جــنــســي..>>~ : انثى
مســآآهمآآتـــي..~>> : 88
فلوســي..~<< : 156
تعليقي الخـــآآص : احب الضحك اوي

مُساهمةموضوع: احلى صدفــــــــــة بحياتي   السبت نوفمبر 13, 2010 2:47 am

[b]أحـــــلـــــى صـــــدفـــــهـ بـــحـــيـــاتــــي



....الجزء الاول....

"" الفصل الاول ""



كانت جالسه هي وأختها يسولفون وقالت : ريم : ياربيه طفشانه وما ودي أداوم بكره مليت
رغد : حتى أنا على بالك ودي أداوم يعني ...
ريم : وهي متحمسه طيب وش رايك نغيب ...
رغد : أحلفي بقووووووووه .... لو نقدر نغيب كان غبنا بس أمي رافضه من كثر غيابنا خصوصا من بعد ما وقعنا على التعهد ...
ريم : ياربيه أقولك بكره من جد مالي خلق أداوم
رغد : أمرنا لله وش نسوي ...
ريم : بتهور : طيب وش رايك ننحاش من المدرسه مثل ما سوينها من زمان
رغد : وين لا مجنونه أنسي مستحيل أعيدها مره ثانيه كفايه المره الأولي بغى يجيني جلطه من الخوف..
ريم: اقول عاد يلا اللي سواها مره يسويها مره ثانيه وياختي خلينا نفلها شوي ... تكفين رغد..
رغد بتردد: من قلبي ودي بس عقلي يقولي لا.. وانا حاسه انو بيصير شي. وخايفه ومدري وشلون وضعي.
ريم حست ان اختها بدت تتقتنع : اقول رغد تكفين وش بيصير يعني.. المره الاولى وعدت وما صار شي .. لاتصرين متشائمه كذا..
رغد: طيب خلاص اقلقتي ام راسي بس وشلون ننحاش..؟؟
ريم تفكر بحماس : شوفي . انحاش انا بوقت الفسحه.. بس اذا صار في وحده من الامهات او المدرسات بتطلع لانو دايما يجون الامهات ياخذون بناتهم وقت الفسحه واطلع معاهم قاطه. وبعد كذا انحاش وامرك واطلعك من مدرستك وانتهينا..شفتي الذكاء..
رغد بإنبهار: يلعنك.. وش هالفكره الجهنميه ولا ولد يسويها .. صحيح انها خطيره بس بنفس الوقت رهيبه وفله .. خلاص طيب اوكي.. بس لاتنسين خذي موبايلك.. وانا باخذ موبايلي عشان نتفق او اذا حصل أي شي نتصل على بعض..
ريم بفرح: اوكيه اتفقنا..
" على فكره اهل ريم رغد شوي فري عشان كذا تجرأو""

&&&&&&&&&&&&&&&&&&&&&&&&&&&&&
اعــــرفكم على عائلة ""أبو مشاري""

ابو مشاري: رجل اعمال ناجح وكبير وعنده شركه شراكه مع اخوه واخته .. قلبه حنين وطيب واغلى شي عنده عياله..
ام مشاري: مره متفتحه وما عنده قد على قوالة ريم .. حبوبه وطيبه وحنينه بس في نفس الوقت جديه..

مشاري: الولد الكبير عمره(23) سنه يدرس بالجامعه قسم حاسب حبوب وهادي وجميل بمعنى الكلمه من ناحية حدة ملامحه وجذااااااااب بشكل مو طبيعي والبنات يطيرون عيله بس ما يعطي احد وجه..... دايما في حاله..

رغد: عمرها (19) سنه بثالث ثانوي<<<رايحه فيها..حلوه وتشبه اختها ريم جذابه ومره كيوت نحيفه شوي بس مناسبها..عيونها عسليه وسيعه وشعرها لونه بندقي ..

ريم:عمرها (15)سنه بثالث متوسط بمدرسه تختلف عن مدرسه اختها رغد ....حلوه وجذابه ...بالكلام العربي يعني"تخقق" جسمها حلو وشعرها اسود وعيونها وسلع وكحيله وعربجيه وحبوبه..وتحب المغامرات..

&&&&&&&&&&&&&&&&&&&&&&&&&&&&&


رغد:يلا قومي ننام لاني خلاص مليت من وجهك عورني راسي من كثر ماتحنين علي..وبعدين عشان تستعدين لمغامره بكره..
ريم:ايه صح لازم استعد لبكره..لوووووول بروح انام..تصبحين على خير يااحلى واغلى اخت بالدنيا<<<مولله..


رنت ساعتها وصحت وهي مره متحمسه ومستعجله..
ريم: رغد.. رغد.. بسرعه قومي يلا نتأخر على المدرسه..
رغد: اقول اذلفي عن وجهي وش ذا الحماس للمدرسه.. اثرك ما نتي هينه..
ريم: اوووف . اقول قومي بلا كلام فاضي تراني مروقه لاتنكدين علي.
رغد: خلاااص قمنا يكفي حنه فوق راسي والله ذبحتيني..

خلصت ريم بسرعه ونزلت..على الفطور مع امها وابوها واخوانها..
ريم: صباح الخير يا احلى ام واب في الدنيا..
ام مشاري: صباح النور.. وش عندك اليوم مروقه..ولا بعد صاحيه بدري..
ابو مشاري: صباح النور والسرور يا حلى بنت.. بس ما قلتي لنا وش عندك اليوم..
ريم ما ردت على احد ..
مشعل :ملنا سلام..
ريم: اكيد.. صباح الخير ياحلو..
مشعل : لالا البنت صدق فيها شي اليوم ..
ريم في نفسها" عشانكم ما تدرون وش ناويه عليه""
نزل مشاري: لالا اليوم فيه شي ريم صاحيه غريبه..
ريم عصبت: وش فيكم علي.. يعني ما يصير لي اصحى بدري..
مشاري: الا يصير لك بس مو من عوايدك..
ريم ما ردت عليه...


نزلت واخيرا الست رغد وعلى طول نطت في عينها ريم..
ريم: خير ان شا الله كل هالتأخير كان ما نزلتي..
رغد وهي مالها خلق: اقول وخري عن وجهي ترى محد رايق لك..سلمت على امها وابوها واخوانها وافطرت بسرعه.. وطلعت عقب ما شيبت ريم براسها...

فـــــــــــــــــي مـــــــــــدرســــــــــــــة ريــــــــــــــــــــــــــــــــم


ريم: صباح الخير والفل والورد والياسمين..وش اخباركم بنات؟؟
ساره قامت تلمس حرارة ريم: اليوم وش شاربه .. وش ماكله. وش عندك اليوم مروقه..
ريم: اووووووه وش فيكم اليوم القاها من وين ياربي من البيت ولا المدرسه..
ساره: لا بس كنت مستغربه.مو من عوايدك..
ريم: بلاك ما تدرين وش بسوي..
ساره: وش بتسوين بعد؟؟
ريم: سر... ما راح اقوله..
ساره: اقول ريم بلا سخافه قولي ..
ريم: "نو ..وي.."
سارة بعصبيه: بتقولين ولا شلون..
ريم : خلاص بقولك بس بعدين..
ساره: اوكيه اهم شي تقولين لي..

" في الفصل"

ريم معها الدفتر وتكتب لساره : اسمعي انا اليوم ناويه اهج من المدرسه..... وتعطي الدفتر لساره.
ساره: وش تقولين انتي مجنونه.. اول شي كيف وشلون ومتى .. علميني بسرعه..
ريم:الله كل هالأسئله مره وحده خلاص انا اقولك السالفه..
" وقالت السالفه لها عشان تساعدها "
ساره: طيب تتوقعين خطتك بتنجح؟؟
ريم: ان شا الله ميه بالميه هذي خططي مو حيا الله..
ساره: ايه درينا انها خططك اللي ما ورها الا البلاوي..
ريم ميته ضحك: ليش مره بليتك بخططي؟؟
ساره: يا ما وياما . بس خليني ساكته احسن لي .. عشان ما ابكي عليك..
ريم عصبت: لا يالجاحده مسويه ما قد نفعتك بشي .. انكري بعد..
ساره: انا ما انكر.. هي مره.. او مرتين غيرهم وهقتيني بصراحه..
ريم : اقول ..اقول .. روحي عني زين..
رن جرس الفسحه طلعت ريم اول وحده طبعا مو من عوايدها ونزلت هي وصديقتها ساره ووقفوا عند الباب ينتظرون وحده من الامهات تطلع واشكالهم تحففففففففففففففه......
واخيرا جات وحده من الامهات ومعاها بنتها توها بتطلع.. ريم ما صدقت على الله ولبست العبايه بسرعه.. واطلعت واخيرا..ومن العجله نست الشنطه في المدرسه وطبعا فيها الموبايل ما أنتبهت ..
ريم : واااااااااو وأخيرا طلعت و"مشت شوي وفجأه شهقت" ... وين شنطتي .. لااااااا نسيتها بالمدرسه
ياويلي ... وش بسوي الحين المشكله فيها فلوس وموبايلي .....
وأحتارت ما تدري وش تسوي ... حتى مدرسة رغد ما أعرفها زين يقطع أم الوهقه وش أسوي ...
وكملت مشي ومشت ومشت وهي ميته خوف وقالت في نفسها كاني تذكرت موقع المدرسه من هالطريق
ومشت لحد ماوصلت وقرت على الباب (مدارس الــ............الأهليه ) نفس مدرسة رغد... ماقرت
بنين أوبنات سفحت عمتى على الدخول الباب المدرسه ... كان الباب مفتوح وما عنده حارس ودخلت
فتشت على طول كان المدرسه ازعاج وفجأه سكتوا ولا همس ... يوم لفت وجها تناظر المدرسه وتشهق ذيك الشهق
[/b]
الرجوع الى أعلى الصفحة اذهب الى الأسفل
JOJO
مــديـرة
مــديـرة
avatar

جــنــســي..>>~ : انثى
مســآآهمآآتـــي..~>> : 1377
فلوســي..~<< : 2091
عــمــريــ..~ : 22
تعليقي الخـــآآص : اسستغفر الله ..استغفر الله

مُساهمةموضوع: رد: احلى صدفــــــــــة بحياتي   السبت نوفمبر 13, 2010 2:39 pm

مشكووورة في انتظآآر التكملة

-------------------------------------------
الرجوع الى أعلى الصفحة اذهب الى الأسفل
mnoOoOor
مــديـرة
مــديـرة
avatar

جــنــســي..>>~ : انثى
مســآآهمآآتـــي..~>> : 1170
فلوســي..~<< : 1424
عــمــريــ..~ : 20
تعليقي الخـــآآص : لآ اله الا الله

مُساهمةموضوع: رد: احلى صدفــــــــــة بحياتي   السبت نوفمبر 13, 2010 5:34 pm

القصه فللللللللللللللللللللللللللللللللللللللللللللللللللللللللللللللللللله
اكيد دخلت على قسم البنين خخخخخ
مسكينه
ابي التكمله بسرررررررررررررررررررعه

-------------------------------------------



لآ اله الا الله وحده لآ شريك له له الملك وله الحمد وهو على كل شئ قدير

الرجوع الى أعلى الصفحة اذهب الى الأسفل
 
احلى صدفــــــــــة بحياتي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات R.G.S.J.M :: المنتديات الأدبية :: القصص والروايات-
انتقل الى: